Градската библиотека „Браќа Миладиновци“- Скопје организира Чествување на Петре М. Андреевски. Повод за средбата е десет години од смртта на големиот македонски писател кој со своето дело ги одбележа најубавите страници во современата македонска книжевност. Беседа за Андреевски ќе одржи проф.д-р Кристина Николовска а настанот ќе се одржи на 13 октомври (четврток) 2016 година во спомен-собата на Миладиновци, со почеток во 12.00 часот.
Петре М. Андреевски е македонски поет, романсиер, раскажувач и драмски автор. Се вбројува во најдобрите, најчитаните и најпопуларните македонски писатели. Автор е на дваесетина бележити книги од сите жанрови и е преведен на повеќе јазици. Добитник е на најважните книжевни награди во Република Македонија. Починал на 25 септември 2006 година во Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
