Џерамаја Мејси, кошаркарот на МЗТ Скопје предупредува дека „металците“ нема да имаат нималку лесен меч со Партизан, со кого се среќаваат во второто коло од регионалната АБА-лига.
„Штрковите“ во претходното коло доживеаја пораз од Црвена звезда во Белград, а сега следи првиот меч на домашен терен против уште еден српски гигант. Мејси предупредува дека се работи за незгоден тим против кого аеродромци ќе мора да функционираат беспрекорно ако сакаат успех.
– Дуелот против Црвена звезда го почнавме добро, но потоа набрзина направивме неколку грешки по што беше тешко да се вратиме. Ваквите пропусти треба да ги намалиме на минимум на утрешната средба против Партизан. Тимот мора да функционира беспрекорно, сите да играме како еден, бидејќи само така ќе дојдеме до посакуваната победа. Нема да биде лесно, но знам дека ќе дадеме сѐ од себе за да ги израдуваме навивачите на отворањето на сезоната на домашен терен – вели Џеремаја Мејси за клупската интернет-страница.
Натпреварот меѓу МЗТ Скопје и Партизан се игра денеска со почеток од 17 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
