Американската скијачка Линдзи Вон на оригинален начин ја промовираше својата книга „Силно е новото убаво“ („Strong is the new beautiful“).
Триесет и едногодишната спортистка на „Инстаграм“ објави гола фотографија од себе, на која позира само со скијачки стапови во раце.
„Конечно е овде. По година и половина напорна работа и голем личен развој, утре мојата книга и официјално ќе биде промовирана. Ми беа потребни 31 година за конечно да бидам самоуверена во своето тело и во она што сум и едвај чекам да го споделам тоа со вас“, напиша таа на „Инстаграм“.
Во книгата Вон дава совети за жените за тоа што да јадат за телата да им изгледаат подобро, но и како да се однесуваат за да ја кренат својата самодоверба. Официјалната промоција на книгата е утре во Њујорк.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
