Пет и полгодишно дете од Порој било тешко повредено и се наоѓа во животна опасност откако синоќа во 19 часот и 30 минути било прегазено од трактор „ИМТ 538“, пред неговата куќа во селото, информираше портпаролот на СВР Тетово Марјан Јосифовски.
Според неговите информации, детето било донесено во Тетовската болница од неговиот татко А.М. (33) околу 20 часот од каде што по укажаната лекарска помош итно е префрлено и задржано на скопските клиники и е во животна опасност.
Според кажувањето на таткото, додека тој бил внатре во куќата, детето го стартувало неговиот трактор што бил во брзина и кој се придвижил нанапред.
Од придвижувањето на тракторот детето загубило рамнотежа и по паѓањето било прегазено од задното лево тркало. Во текот на денешниот ден ќе се врши увид на местото на паѓањето и повредувањето на детето и целосно ќе се расчистува случајот најави Јосифовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
