Еден ден откако американската полиција демантираше дека води истрага против Бред Пит, синоќа американското Федерално истражно биро (ФБИ) во официјално соопштение призна дека, сепак, се разгледува случај поврзан со актерот.
Станува збор за случај поврзан со евентуачна жестока расправија меѓу Пит и неговиот 15-годишен посвоен син Медокс за време на лет во нивниот приватен авион. Тоа, повторно – наводно, ја прелеало чашата кај неговата сопруга Анџелина Џоли.
– Во врска со вашето прашање за надлежностите на ФБИ околу приватниот авион што ги превезувал господин Бред Пит и неговите деца, ФБИ и натаму прибира факти и допрва ќе следува процената дали за овој случај е потребна истрага – соопшти претставник на Бирото за „Дејли меил“.
Претходно, таблоидите пишуваа дека глумецот е под истрага во Полицискиот оддел во Лос Анџелес, но оттаму изјавија дека тие не се надлежни за инцидентите што се случуваат во приватнте авиони.
Во меѓувреме, очевидци сведочат дека забележале полициско возило во дворот на вилата на Пит и на Џоли во Холивуд Хилс, во која моментно престојува само Пит, додека, пак, наводно, глумицата се отселила заедно со нивните деца.
Неделникот „Ју-Ес викли“, пак, пишува дека некој од авионот упатил анонимен повик до Социјалната служба на Лос Анџелес, која потврдила дека истрага постои, но не открила други детали.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
