Големо велосипедско дефиле утре ќе се вози на градските улици во Скопје по повод 22 Септември – Денот без автомобили и крајот на Европската недела на мобилност 2016.
Дефилето ќе стартува во 11 часот кај Порта Македонија. Велосипедистите потоа ќе возат по улицата 11 Октомври, а на раскрсницата со булеварот Кочо Рацин ќе завртат десно до раскрсницата со улицата Свети Кирил и Методиј. Потоа, ќе возат по улицата Свети Кирил и Методиј, па десно по булеварот Свети Климент Охридски, на раскрсницата со булеварот Партизански одреди ќе завртат лево и ќе возат по булеварот се до раскрсницата со улицата Никола Парапунов, потоа ќе завртат десно и по булеварот Илинден ќе пристигнат во Градскиот парк, на Школка.
Во 11:30 часот, на Школката во Градскиот парк, ќе се одржи забавен хепенинг со настап на уличните свирачи и наградна игра за учесниците во дефилето, информираат од Град Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шилегов и МЖ промовираат вело-железнички јавен превоз, а Македонија останa без ниеден меѓународен воз
-
Комити се подготвуваат за 30 – годишниот јубилеј: Во петок на дефиле низ Скопје со Ноќни волци, главната прослава во недела
-
Град Скопје повторно ќе субвенционира велосипеди
-
Вело-остров во паркот „Јане Сандански“ во Аеродром