Македонија падна за една позиција на најновата ранг-листа на ФИФА и сега е 84. светска фудбалска сила. Во првите десет нема апсолутно никакви промени и лидер остана светскиот првак Шпанија со 1.538 поени, 110 повеќе од Германија и 242 пред Аргентина. По нив следуваат Хрватска, која е најдоброрангирана од нашата А група во квалификациите за СП, па Португалија, Колумбија, Англија, Италија, Холандија и Еквадор, селекција што го затвора елитниот Топ 10.
Македонија има 441 поен и е веднаш зад Финска, а пред Ел Салвадор. Од нашите противници за пат во Бразил на мундијалот идната година, Белгија е на 15. позиција, Србија е рангирана на 40. место, Велс е 49., а Шкотска е 6 скалила пред нас.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
