Северина: Целиот концерт во Скопје ми беше гаф

Хрватската пејачка Северина пред концертот во Загреб вчера на социјалните мрежи „Фејсбук“ и „Јутјуб“, во разговор во живо со нејзините фанови, откри многу пикантерии околу нејзината последна турнеја, во која го посети и Скопје. Популарната Севе на прашање од обожавател, кој ѝ бил најголемиот гаф за време на турнејата, рече дека како ретко кога била пресреќна на концертот во Скопје.

– Во Скоје целиот концерт беше гаф. Ја поздравував Словенија од Македонија, бев пресреќна на сопствениот концерт. Има такви ситуации и покрај тоа што се ретки – одговорила Северина.

Атрактивната пејачка не крие дека била воодушевена од скопската публика, која ја изненадила со тоа што ги пеела нејзините песни.

– Во Риека го пробивме мразот, а во Белград имаше интимна атмосфера. Во Скопје цела публика ја пееше „Остављена“, не го очекував тоа – открива Севе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.