Џихадистите од Исламска држава ги користат пристаништата во Хрватска, Грција, Албанија и Црна Гора за префрлање на луѓе од Сирија во Европа и обратно, пишува италијанскиот весник „Република“.
Според весникот џихадистите наводно го користат морскиот пат од Бари од каде со траекти се стигнува до Дубровник. Поради тоа во Бари се засилени безбедносните мерки. Зајакнати се и полициски патроли кои ги проверуваат патниците. Дополнителни контроли се вршат и на аеродромите. Од пристаништето Бари со траекти џихадистите патуваат кон хрватските, црногорските и грчките пристаништа, како и кон Албанија, посочува „Република“.
Пред неколку недели италијанските служби објавија дека во текот на август постои зголемена опасност од терористички напади во земјата, поради што е зајакната безбедноста во Рим на ниво два, од можни три.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
