Вкупно 17.220 американски долари или речиси еден милион денари собра Обединетата македонска дијаспора (ОМД) за два дена преку социјалните мрежи, во кампањата за донирање средства во рамки на акцијата на Црвениот крст.
За настраданите во катастрофалните поплави кои минатиот викенд ја зафатија Македонија, донираа 243 поединци од повеќе држави – Австрија, Австралија, Белгија, Босна и Херцеговина, Канада, Германија, Унгарија, Израел, Црна Гора, Холандија, Србија, Шведска, Швајцарија, Обединетото Кралство и Соединетите Американски Држави.
Собраните средства, како што информира ОМД, денеска се испратени директно до Црвен крст за да можат веднаш да ги дистрибуираат средствата до погодените од поплавите. Сто проценти од собраните донации се испратени, а ОМД ја презема одговорноста за сите трошоци околу испратката. ОМД продолжува со својата кампања преку социјалните мрежи за собирање средства, како и со две манифестации. Едната ќе биде викендов, во соработка со Амбасадата на Република Македонија во Вашингтон и следниот викенд во Гарфилд, Њу Џерси. Средствата од овие активности ќе бидат, исто така, испратени до Црвен крст. Членовите и волонтерите на ОМД, кои се во посета на Македонија ова лето, ќе ги посетат погодените подрачја, ќе волонтираат во Црвен крст, ќе помагаат со дистрибуција на храна, вода и разни материјали до фамилиите и ќе учествуваат во акциите на прочистување на погодените подрачја. Граѓаните можат да донираат средства на фондовите за помош за поплавите, на линкот. Сите лица кои скаат да се приклучат во волонтерските акции во Скопје со Црвен Крст, можат да го контактираат претседавачот на младинската програма на ОМД Генерација М, Филип Јотевски на fjotevski@umdiaspora.org.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Марко Новески, Вики Ристовска и Владимир Блажевски – DJ Shorty P aкa Панчо донираа за СОС Детско село
-
„Проект среќа“: Бесплатна спортска опрема и бесплатни членарини во спортски клубови на деца во социјален ризик
-
Погба ги повика Фејсбук следбениците заедно да го прослават роденденот со донирање средства
-
Да му помогнеме на дедо Киро, тој е на работ на егзистенцијата!