Се трага по 16-месечно бебе, водната стихија го однела од автомобилот

Во силното невреме што во саботата го зафати скопскиот регион секаква трага му се губи на шеснаесетмесечно бебе.

Исчезнувањето вчера во полиција го пријавил неговиот чичко, Џ.Ф.(18). Како што информираат од СВР Скопје за „Република“, Џ.Ф. изјавил дека во саботата околу 20 часот, неговиот брат управувал возило на обиколницата кај Смиљковско Езеро. Во временските услови, воден бран го однел возилото, а водата го однела бебето, по што му се губи секаква трага.

Неофицијално, возач на возилото бил Фуркан Фејзула, еден од пријавените 21 жртва во несреќата во Скопско, а исчезнатото бебе е неговата ќерка.

Полицијата трага по исчезнатото лице.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.