Министерството на одбрана на САД денеска потврди дека двајца притвореници од Гвантанама се трансферирани во Србија, пишува ЊуЈорк Тајмс.
Ден претходно еден притвореник е трансфериран во Италија, што значи дека во злогласниот затвор на Куба останале уште 76 притовреници. Меѓутоа и тој број ќе се намали, бидејќи 27 се на листата за пуштање. Американците пишуваат дека овој потег е уште еден доказ дека во Американскиот Конгрес попуштаат на настојувањето на Обама пред истек на мандатот да се затвори злогласниот затвор.
А кои се луѓето кои Америка ги испрати во Србија. Ниеден од нив нема врска со Србија и ова е првпат оваа соседна земја да прима притвореници од Гвантанама. За разлика од Босна и Херцеговина и Црна Гора, кои тоа го одбија.
Еден од нив е Јеменецот Абдул Рахман Ахмед кој во 2001 е фатен во Авганистан.
Вториот притвореник кој доаѓа во Србија е Омар Хамзајевич Абдулајев (37) од Таџикистан.
Се поставува прашањето зошто ги префрлаат во Србија. Одговорот го даде државниот секретар Џон Кери.
-САД ја ценат великодушната помош на Србија во нашите напори да го завориме Гватнатанмо. Ова е многу значаен хуман гест на српските челници на глобално ниво.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
