Уметници од регионот Апулија во Италија ќе се претстават на третото издание на Меѓународниот театарски фестивал „МНТ-фест“. До недела ќе бидат прикажани повеќе театарски и танцови претстави и филмски проекции.
Годинашниот „МНТ-фест“ ќе трае до јуни, со паузи меѓу изведбите за публиката да може да ги гледа сите претстави.
Директорот на Македонскиот народен театар Дејан Пројковски нагласи дека овие четири дена ќе бидат празник на италијанскиот театар и култура во Скопје и во Република Македонија.
Отворањето на програмата е вечер во 19 часот со претставата „Сон на лентата ноќ“ од Вилијам Шекспир, а во режија на Антонио де Нито. Според критиката, тоа е претстава која зрачи со свежина и со ведрина од сите пори. Во претставата играат актери од Италија, Србија, Хрватска и Црна Гора. Репризата на претставата е утревечер во 20 часот.
Националната опера на борците гостува в сабота, во 20 часот со „Планинските џинови“, по сценарио на Валентина Дијана, а во режија на Џузепе Семераро. Според режисерот, тоа е непромислено драмско дело кое од пиранделовски театар иронично се стреми да создаде театар поради театар, уметност поради уметност.
В недела, во 19 часот ќе биде прикажана танцовата претстава „Во темната кружиме ноќ и нè голтаат јазици, пламени“ на театарот Алдес од Лука. Во 21 часот е проекцијата на филмот „Земјата каде што дрвјата летаат, Еуџенио Барба и годишнината на Один“ во режија на Давиде Барлети и Јакопо Квадри. Филмот е посветен на големиот светски режисер Еуџенио Барба и неговиот сега култен Один театар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
