На Факултетот за ликовна уметност, во Сули ан во Старата скопска чаршија, денеска напладне ќе биде отворена изложба на графики изработени од корисниците на дневните центри „Порака“ Скопје, со поддршка на студенти и на професори од ФЛУ.
Изложбата е насловена „Ликот на нашиот свет“ и ќе биде отворена дo 13 мај. Ја организираат Факултетот за ликовна уметност – отсек графика, и Републичкиот центар за поддршка на лица со интелектуална попреченост „Порака“.
– Целта на изложбата е да се презентираат и да се истакнат можностите и потенцијалите на лицата со интелектуална попреченост. Тоа воедно придонесува и за директно влијание во разбивањето на предрасудите што постојано ги следат овие лица – соопштија организаторите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
