„Скај сити“ висококатниците покажаа голема отпорност на земјотрес. Со денешното испитување се покажа дека овие највисоки згради во Македонија имаат одлична отпорностна вештачки произведен земјотрес со магнитуда од четири степени.
– Нашата градба беше вршена под постојан надзор на Институтот за земјотресно инженерство и инженерска сеизмологија. Нивната експертиза искомбинирана со нашето големо искуство во ваков тип на градбирезултира со денешнатапотврда дека и во Македонија се можни високи градби со голема издржливост. Денеска и практично се докажа зошто овие 40 катници се најсигурни во Македонија – изјави генералниот менаџер на „Џеваир Македонија“, Есер Џеваир.
Испитувањето се вршеше со техника на принуден земјотрес што се спроведува со вибратори кои произведуваат пет тона хоризонтална сила. Неколкуте поставени вибратори се движат во круг и се влегува во резонанца произведувајќи вибрации како вистински земјотрес со магнитуда од четири степени. Во зградата беа поставени 200 мерни точки од каде се добива прецизна геометриска слика за движењето на зградата под дејство на вештачкиот земјотрес.
– Кога станува збор за локални земјотреси, повисоките згради имаат поголема флексибилност на издржување со оглед на тоа што периодaтa на конструкциите е на 2 секунди, а кога станува збор за Скопските локални земјотреси тие имаат периодa од 0,3 до 0,5 секунди што значи дека локалните земјотреси потешко или воопшто не ни ги побудилеваквите згради. Затоа и повеќепати изјавувам дека високите згради се препорачливи како градби за Скопје и за останатите градови. Овие пак згради се поосетливи на далечни земјотресикои поради нивната мала енергија нема да имаат разорно дејство – изјави професор д-р Михаил Гаревски, директор на Институт за земјотресно инженерство и инженерска сеизмологија.
Со тестирањето се испитуваат динамичките карактеристики на зградите, што претставуваат нивна лична карта за безбедност, посебно во услови на земјотрес. Ваков тип на испитување е вршено и на Трансамерика пирамидата во Сан Франциско.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
