Змии каснале едно осумгодишно дете во стручмичко село и еден 39-годишен маж во велешко село.
Во струмичко село осумгодишно дете налетало на влечугата додека си играло на ливада, а во велешката болница помош побарал и 39-годишен жител на Бузалково. За среќа и двајцата поминале без сериозни последици по здравјето.
Освен змиите, топлото време предизвика и наезда од крлежи. Стотици граѓани изминатиот период побарале лекарска помош поради убод од овие инсекти. Вкупно 45 од нив биле во амбулантата на Инфективна клиника. Меѓу нив е и мало дете на кое крлежот му се закачил на уво.
-Апелираме граѓаните да не ги вадат сами крлежите туку да побараат лекарска помош бидејќи симптомите на болест можат да се јават две до три недели по каснувањето – вели Марија Анастасова од Брза помош.
Лајмската болест е најчестата инфекција што ја пренесуваат крлежите. Годинава не е регистриран ваков случај. За да се избегнат компликациите од убодите и на крлежи и на змии, лекарите ги советуваат граѓаните да бидат внимателни кога се движат во природа.
-Да носат соодветна облека, панталони и да се покриваат голите делови од телото бидејќи крлежите се во тревата – вели д-р Анастасова.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
