Заев тргнува од неговите лични интереси, а не од државните. Затоа губи на изборите и затоа ќе губи и на 5 јуни ќе биде тешко поразен ако се појави на изборите, рече Груевски при гостувањето во Дневникот на Канал 5 телевизија.
Не е во прашање Македонија или Груевски, во прашање е Македонија или редефинирана Макеоднија и тој тоа добро го знае, добро знае за што се бори и во чиј интерес се бори. Заев се однесува како бомбаш-самоубиец, ја има прегрнато Македонија и сака да го активира динамитот, но тоа нема да му биде дозволено, ниту од мене ниту од народот. Тој ќе ја изгуби оваа битка и еден ден ќе се срами што на ваков начин постапувал, рече Груевски.
Груевски рече дека стана навика граѓаните да слушаат негови контрадикторни изјави.
Додека неговите хулигани повредуваа полицајци, палеа канцеларии на претседателот, тој на телевизија зборуваше дека неговата борба е гандиевска, гандиевска значи мир, во исто време на улицата имаше невиден вандализам, невидено насилие, запалени канцеларии на претседателот. Едно зборува, друго прави. Мисли дека народот тоа му го простува, зашто толку долго тоа го прави, но заборава дека луѓето враќаат кога ќе дојдат изборите, рече Груевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
