Авион со 150 патници бил погоден со истрели од огнено оружје додека слетувал на аеродромот во Триполи. За среќа ниту еден од патниците не бил повреден, а авионот не претрпел поголеми штети.
„Боингот 737“ на либиската авиокомпанија бил погоден во трупот во делот каде што е сместен тоалетот на неколку километри од аеродромот во Триполи, но засега не е познато дали станува збор за напад или за заскитани куршуми. Инцидентот предизвикал паника меѓу патниците, а една жена била пренесена во болница од шокот што го доживеала.
Пукањето за време на прослави е редовна појава во Либија, каде што има големо количество оружје во рацете на народот по војната во 2011 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
