Екипата на МЗТ Скопје на домашен терен славеше над словенечка Крка со 69:67, исклучително важна победа во 21. коло од регионалната кошаркарска АБА лига.
Македонскиот шампион дојде до исклучително тешка победа во драматичен и неизвесен натпревар во „Јане Сандански“. Клучот за победата беа слободните фрлања во самиот финиш, иако нашиот шампион имаше лоша прецизност од оваа позиција погодувајќи 19 од упатените 29 удари.
Дреновац беше најдобар во редовите на МЗТ со 23 поени. Луковиќ постигна 11, а исто толку имаше и Стојановски. Кај гостите најефикасен беше Димец со 20 поени, а Иванов и Ребец постигнаа по 11, односно 10 поени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
