Повеќе од 70.000 луѓе во САД останаа без електрична енергија поради снежното невреме, кое зафати неколку источни реони во земјата.
Прекин на струја главно имало во државите Северна и Јужна Каролина, Кентаки и Западна Вирџинија.
Невремето, исто така, предизвика и голем број сообраќајни несреќи и километарски колони на патиштата во Вирџинија, Северна Каролина, Кентаки, Тенеси и Арканзас. Во несреќите загинаа 10 лица.
Бурата „Џонас“ се очекува денеска и утре да ги зафати главно државите на источното крајбрежје. Вонредна ситуација поради лошите временски услови воведоа гувернерите на државите Вашингтон, Мериленд, Пенсилванија, Џорџија и Нектаки, како и градоначалникот на Вашингтон.
Како последица на снежното невреме, вчера и денеска авиокомпаниите откажаа над 6.000 летов од и кон аеродромите во источниот дел од земјата.
Над половина од откажаните летови се од аеродромите во Филаделфија, Вашингтон, Њујорк, Шарлот и Ралеј.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
