Милан Поповиќ одговори на обвинувањата на сестрата на Северина

Сестрата на Северина неодамна изјави дека Милан Поповиќ (50) ѝ бранел да се гледа со внукот Александар (3) и дека во 2014 година ѝ забранил да му ги даде подароците за Божик. Сега адвокатите на Милан преку соопштение до медиумите тврдат дека обвинувањата се невистинити.

-Милан Поповиќ никогаш не ѝ забранувал на Маријана Вучковиќ да го гледа малолетниот Александар Поповиќ, а не се вистинити ниту тврдењата дека Милан не ѝ дозволил во 2014 година да му ги даде подароците за православниот и католички Божик. Не е вистина ниту дека не ѝ одговорил на пораката на Александар да му ги донесе подароците- тврдат правните застапници на Поповиќ во соопштението кое го објави српски „Ало“.

-Маријана Вучковиќ изнесува погрешен став дека изјавите на Поповиќ по медиумите се контрадикторни, а невистинито тврди дека во една рекол „дека ќе има друго дете со Северина, а дека во тој период од пет месеци, кога се разделиле, не го гледал детето“. Невистина е и дека Милан Поповиќ изјавувал „колку свои пари дал во љубовниот занес“ – тврдат неговите адвокати.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.