Во западните делови од земјата, односно Тетово, Пожаране, Маврово, Кичево, како и во Берово има врнежи од снег.
Од УХМР информираат дека врнежите од снег ќе се задржат до утре попладне кога температурите ќе се зголемат и врнежите од снег ќе преминат во дожд. Од утрово на пониските делови врне дожд, а во Скопје на Зајчев Рид проверувај снег.
Во крајните западни делови на земјава, се очекува да се формира или да се зголеми за околу 25 сантиметри нова снежна покривка. Ќе дува слаб до умерен ветер од југоисточен правец. Утринската температура ќе се движи од минус пет до еден, а дневната од минус два до четири. Во следните денови ќе следи променливо облачно време со повремени врнежи од дожд со променлив интензитет. Повремено интензитетот на врнежите ќе биде обилен. На некои повисоки места и на планините ќе има врнежи од снег.
Стабилизирање на времето се очекува од петок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
