Сопругата на Зоран Верушевски, Соња, по повод барањето за ослободување на нејзиниот сопруг од притвор кое го упати Катица Јанева, наместо на специјалната обвинителка му се заблагодари на лидерот на СДСМ, Зоран Заев, со што практично откри дека Заев е нарачателот, а Јанева е само извршител и марионета која ги исполнува неговите наредби.
-Најголема благодарност упатувам до лидерот на СДСМ г-динот Зоран Заев, напиша Соња Верушевска.
СДСМ најпрво изнесуваше лаги дека Заев и Верушевски не се познаваат, за подоцна да се покаже дека постоела длабока соработка за уценување и рушење на демократски избрана власт, со што само се потврди односот на Заев кон поранешниот директор на Дирекцијата за безбедност и контраразузнавање (ДБК), во време на владеењето на СДСМ, Зоран Верушевски.
Пред објавувањето на аферата „Пуч“, СДСМ лажеше дека Заев и Верушевски не се ни познаваат. На 29 јануари, портпаролот на СДСМ, Петре Шилегов излезе на прес конференција и истакна дека раководството на СДСМ нема блиски контакти со Зоран Верушевски.
Опозицискиот „Фокус“, пак, на 1 февруари пишуваше дека Верушевски бил соработник на Бранко Црвенковски, а дека со Заев воопшто не се познавал.
Неколку денови подоцна, на 6 февруари, јавноста имаше прилика го види писмото кое Заев му го испратил на Верушевски. Во него, јасно стои дека е пишувано на 20 јануари, 9 дена пред изјавата на Шилегов дека Заев не го познава Верушевски. Во писмото јасно се гледа да Заев и Верушевски имале многу блиски контакти па дури и договарале работа „со пријателите од надвор“.
Веќе на 11 февруари, Заев во интервју конечно призна дека Шилегов лажел. Во интервјуто потврди дека се познавал со Верушевски и дека лично му го напишал писмото како и дека со странски амбасадори и премиери сакал да му извади виза за да побегне во странство.
-Верушевски е еден од кадрите кој е стручен за оваа работа, имав потреба од консултации, се случија две средби со Верушевски за да можам да добијам анализа за тоа што треба да правам, изјави Заев.
Инаку, Зоран Верушевски во текот на целиот период на самостојност себеси се промовираше во поим кој ја опфаќа сета деструктивност, подметнување, задкулисно работење и нечесност во политиката.
Верушевски го напушти МВР кога СДСМ си замина од власт во 1998 година. Целиот период на црната транзиција го мина во МВР, а токму тој период остана во историјата запаметен по шверц на нафта и цигари кон Србија, непочитување на правото, затворање на многу фирми и досега уште неразјаснети убиства. Неговото име се поврзуваше со Бранко Црвенковски и тогаш промовираната афера „Големото Уво“, Aферата „Големо уво“, заврши со делење на неколку транскрипти од незаконски снимените разговори на новинарите на прес-конференција, додека креаторите и реализаторите на аферата останаа на слобода. Потоа следеше воениот конфликт и СДСМ повторно обезбеди влез во техничка Влада со ВМРО ДПМНЕ на Љубчо Георгиевски. Слично сценарио гледаме и сега, после цели 14 години.
Откако СДСМ на сомнителен начин се врати на власт во 2002 година, Црвенковски мораше да му се одолжи на Верушевски за сработеното, па истиот беше именуван за шеф на та Верушевски на оваа позиција дојде со еден куп “валкан веш“– два државни стана добиени со лажна изјава и земање на 24 плати или околу 10 илјади евра при напуштањето на асистенското место на Факултетот за безбедност.
Во истиот мандат СДСМ врати уште една услуга, но овој пат на оние кои од надвор им помогнаа да ја дестабилизираат државата па во 2004 година еднаш за секогаш ја прекроија Република Македонија, со територијалната поделба ги направија Струга и Кичево од општини со македонско мнозинство, општини со албанско мнозинство.
Скандалите на Зоран Верушевски ги презеде синот Александар, па таму каде застана таткото, продолжи тој со заштита токму од таткото. Малиот Верушевски заврши во затвор осуден на 2 години за повеќе кривични дела. Казната не ја одлежа во целост бидејќи таткото успеа да се испазари со Црвенковски, кој тогаш беше Претседател на Република Македонија.
Помилувајќи го Александар Верушевски, Црвенковски уште еднаш потврди дека со Верушевски делат многу работи.
Ова стана уште појасно откако Мирка Велиновска во колумна за Нова Македонија од 20.03.2015 година обелодени една средба помеѓу неа и Верушевски. На таа средба Верушевски ја повикал Мирка во неговиот стан обелоденувајќи и снимени разговори од целиот врв на СДСМ.
Верушевски побарал од Велиновска да објави во неделникот Фокус статија во која тој е подготвен да проговори за се што знаел, но и поседувал како незаконски материјал. На тој начин, со закана со компромитација Верушевски го принуди Црвенковски да го помилува неговиот син Александар. Мирка Велиновска тоа не го објави, но затоа веста беше објавена од друг новинар, Ерол Ризаов. Црвенковски под притисок да не дознае народот за неговите валкани работи кои одат од транзицијата, а завршуваат со војната во 2001 година, го помилува Верушевски малиот, за набргу потоа да го испрати Зоран Верушевски во амбасадата на РМ во Италија. Со ова Црвенковски се спаси од Верушевски барем за одредено време. Но не и граѓаните на Македонија.
Велиновска не е единствена која ги има слушнато снимките кои ги поседува Верушевски. Ова на јавноста јавно го призна и Љубчо Георгиевски, кој во еден настап посочи дека во станот на Верушевски му биле пуштани материјали, кои Верушевски му ги нудел, за финансиска надомест, на кои снимки имало криминални разговори натогашното раководство на СДСМ.
Пред да биде обелоденет случајот „Пуч“ презимето Верушевски последен пат беше поактуелно во медиумите пред три години. Имено, малиот Верушевски охрабрен од таткото, не престануваше со своите криминални подвизи па така на 22 јануари 2012 сите дневни весници во РМ осамнаа со веста: „Александар Верушевски се обидел да го заколе Србинот Дарко Гошиќ, во тепачката на паркингот кај струшко Пливалиште“.
Кулминацијата во кариерата на Верушевски следеше со случајот „Пуч“. Зоран Верушевски повторно си најде сродна душа и човек со слични сфаќања за политиката како валкана работа во Зоран Заев. Овој пат Зоран Заев требаше заедно со Верушевски да го предводат црното сценарио за кое самиот Верушевски најавуваше дека може да резултира со граѓанска војна и крвопролевање. Тоа не беше проблем ниту за него, ниту за Заев, а ни за другите обвинети во „Пуч“, бидејќи и самите во меѓусебната комуникација која им беше пресретната од полицијата се храбреа дека биле навикнати други да страдале.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
