Вресок на девојка ги разбудил соседите, манијак ги вознемирува жителите во Аеродром

На социјалните мрежи повторно кружи предупредување дека непознато лице вознемирува граѓани во населбата Аеродром. Последната вест се однесува на  црномурно лице со капа и еден вид шал со кој го прекрива лицето, кое се обидува да влезе во станови дури и кога сопствениците се дома.

„АЕРОДРОМЦИ ПРЕДУПРЕДУВАЊЕ! Изминатите 3 дена на територијата на општина Аеродром во неколку наврати од непознато лице е пробано да се влезе во станови на сопствeници додека истите биле дома. Станува збор за реонот на ТЦ БИСЕР поточно во делот на бул Јане Сандански од ТЦ БИСЕР до ВЕРО. Лицето дрско влегува во домовите или пак се обидува да влезе, посебно во станови во кои се присутни женски лица. Меѓу другото, вчера вечер во зградата на ул. Владимир КОмаров 23 нападната е млада девојка во текот на вечерните часови, додека истата чекала лифт. Станува збор за црно-муресто лице со капа и еден вид на шал со кое го прекрива лицето. БИДЕТЕ ВНИМАТЕЛНИ И ПРИЈАВЕТЕ ГИ СОМНИТЕЛНИТЕ ЛИЦА ВО ПОЛИЦИЈА! ШИРЕТЕ ГО ПОСТОВ ПО ПОЗНАТИ!“, пишува на „Фејсбук“.

Според кажувањата на соседите од зградата на улицата „Владимир Комаров“, пред два дена среде ноќ ги разбудил вресок на девојче. Се направила врева во влезот, напаѓачот бил маскиран и го нападнал девојчето од зад грб.

Сѐ уште нема официјално соопштение дали има пријава за овој или слични случаи во СВР Скопје и дали полицијата интервенирала. „Република“ е во очекување на одговорите на овие прашања, кои утрово ги испративме до скопската полиција.

За манијак што напаѓа млади девојки веќе имаше неколку алармирања и летово и пред неколку дена. Сепак, за него нема официјална пријава во скопската полиција. Повеќе тука.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.