До пред само неколку дена се шушкаше дека Никол Шерцингер и возачот на Формула 1 Луис Хамилтон повторно се заедно, светските медиуми денеска на големо пишуваат дека пејачката е во врска со младиот Григор Димитров.
Наводно Никол е во тајна врска со бугарскиот тенисер, инаку бившо момче на руската тенисерка Марија Шарапова, со која долги години беше заедно. Димитров имаше и кратка романса со тенисерката Серена Вилијамс.
Таблоидот „Сан“ пишува дека 37-годишната пејачка од јули е во врска со 24-годишниот тенисер.
Двојката наводно се труди да ја одржи врската тајна, бидејќи двајцата се познати личности и двајцата биле со познати личности во минатите врски.
По раскинувањето на седумгодишната врска со Хамилтон, Никол ја доведуваа во врска со пејачот Ед Ширан, но изгледа дека работите стојат сосема поинаку.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
