Поради стравот од нови терористички напади на спортските терени по масакрот во Париз, вечерашниот меч кој требаше да се игра во Хановер помеѓу фудбалските селекции на Германија и Холандија е одложен.
И покрај најавите дека дека овој натпревар сигурно ќе биде одигран, последните информации говорат дека мечот е одложен, а стадионот во Хановер се евакуира.
Иако беше најавено дека на мечот ќе присуствува и германската канцеларка Ангела Меркел, истиот е одложен откако се појавила сериозна закана од тероризам.
Попладнево на улица во центарот на Хановер беше оставена торба што крена паника меѓу граѓаните, а германската полиција најави дека во текот на ноќта ќе излезе со официјално соопштение за причините за ваквата одлука.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
