Националната галерија на Македонија (НГМ) вчера организираше ретроспективна изложба на фотографии на Александар Кондев во Чифте амам..
Националната галерија соопшти дека фотографско творештво на Александар Кондев (1950) е нераскинливо сврзано со пробивите на современата фотографска мисла кај нас и дека тој денес е безмалу единствениот претставник на генерацијата македонски фотографи кои ја осовременија македонската фотографија, кои во 1970-тите и 1980-тите внесоа поинаква естетика и нови хоризонти во третманот на оваа уметност.
– Неговото безмалу педесетгодишно присуство во македонската фотографија едновремено е и важно сведоштво и за вкупниот развој на фотографијата кај нас, а неговото фотографско творештво се вбројува меѓу највисоките дострели на македонската фотографија од втората половина на минатиот век до денес, соопшти организаторот на изложбата.
Куратор на проектот е Златко Теодосиевски.
Изложбата ќе биде поставена до 22 ноември 2015.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
