Македонскиот центар за фотографија, Кинотеката на Македонија и Универзитетот за аудиовизуелни уметности од Скопје, организираат презентација на тема: „Историја на фотографијата, преку збирките на фотографската фондација М+М Оер“.
Фотографското богатство на Фондацијата ќе го презентира основачот, г. Мишел Оер. Презентацијата ќе се одржи во Галеријата на Кинотека на Македонија, 39.09.2015 (среда) во 19 часот.
Фотографската фондација М+М Оер е основана во 2009 година со цел да се заштитат и промовираат постојаните збирки како и да се надополнат со нови фотографски дела. Преку организирање на изложби на млади, но и неправедно заборавени фотографи, секојдневно ја надополнуваат меѓународната фотографска енциклопедија. Нивните публикации, како и организирањето на разни работилници, предавања и семинари
придонесуваат во разбирањето на фотографијата како медиум за креативно изразување..
Во фотографската ризница на фондацијата Оер, се наоѓаат преку 50.000 оригинални фотографии кои потекнуваат од самиот почеток на фотографијата (1839 г.) до денешен ден како и повеќе од 21.000 фотографски книги и преку 500 стари фотографски камери.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
