Најдобриот светски рекет Новак Ѓоковиќ ја пропушти шансата синоќа во финалето на Мастерсот во Синсинати да дојде до единствениот турнир од мастерс серијата која му недостасува во неговите витрини и да влезе во историјата како единствен тенисер на кого тоа му пошло од рака.
Ноле по третпат загуби од Федерер во финалињата на Синсинати, вкупно петпати не успева, и по натпреварот се пошегува и беше искрен во изјавите.
– Му честитам на Роџер за заслужената титула. Играше одлично цела недела – изјави Ѓоковиќ притоа осврнувајќи се на фактот дека загуби и во петтото финале во овој американски град.
– Ете, и петти пат сум поразен во финалето и не успевам да ја освојам титулата тука. Ќе мора очигледно да почекам Федерер да се пензионира. Шега на страна – многу го сакам овој трофеј и ќе се вратам следната година да се обидам да го освојам – додаде Ноле.
Ваквата констатација на најдобриот светски тенисер не ја премолче „кралот“ на тенисот Федерер кој ја освои и седмата титула во Синсинати.
– Новак е извонреден тенисер, и секако е задоволство кога ќе се победи најдобриот. Но, може да кажам. Сигурен сум дека Ѓоковиќ еден ден ќе го освои Синсинати, и пред јас да се пензиониран. Затоа што заслужува – рече Федерер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
