Над 90 Сиријци, меѓу кои и пет деца, биле распнати на крст или камшикувани од екстремистите од Исламска држава затоа што не ги почитувале постите за време на месецот Рамазан, информира сирискиот Центар за мониторинг на човековите права, цитиран од ДПА.
Организацијата документирала вкупно 94 случаи на распнување, камшикување или затворање во метални ќелии на прекршувачите на правилата за постите. Ниту едно од распнатите лица, сепак, не починало, прецизира Центарот.
Оваа организација за правата на човекот, денеска, исто така, соопшти дека во воздушен напад на сирискиот режим врз еден од бастионите на ИД во Сирија, градот Ал Баб, убиени се 11 цивили, меѓу кои и три деца, пренесоа француските медиуми.
Хеликоптери на режимот на Асад врз градот контролиран од ИД, испуштиле напалм бомби. Од сабота до сега најмалку 68 цивили биле убиени во воздушните напади на силите на режимот врз овој град во северна Сирија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
