Никола Груевски убедливо води во однос на позитивното мислење кое го имаат Македонците за него доколку се погледне анкетата на Американскиот републикански институт (IRI) , од апспект на етничка стратификација на испитаниците, и се земат во предвид процентите кај Македонците кои се стандардно и редовно гласачко тело на двете најголеми политички партии ВМРО-ДПМНЕ и СДСМ. Според овие аспекти забележливо е и дека за разлика од Груевски, за лидерот на СДСМ најголемиот дел имаат негативно мислење.
Имено, 51 % од Македонците позитивно се изјасниле за работата на премиерот Груевски и ја одобруваат, додека огромни 61% од Македонците имаат негативно мислење за работата на лидерот на опозицијата Заев.
Инаку анкетата покажа дека ВМРО-ДПМНЕ е со убедлива и огромна предност пред СДСМ која изнесува повеќе од двојно, и тоа земено кај сите граѓани и сите заедници присутни во Република Македонија. ВМРО-ДПМНЕ убедливо води со 23% доверба меѓу граѓаните, наспроти политичкиот опонент СДСМ во кого веруваат само 11% од анкетираните.
Меѓу лидерите на политичките партии премиерот Груевски е со убедливо најголема доверба. Во него веруваат 18% од анкетираните граѓани, што е за 2,5 пати поголема поддршка во однос на Зоран Заев кој има доверба кај само 7% од народот. Али Ахмети е веднаш зад него со 6% доверба, а Менудх Тачи има доверба од 2% од граѓаните.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
