Агенцијата за приватизација на Србија упати јавен повик за понуди за приватизација на новинската агенција „Танјуг“ од Белград и на 37 други медиуми во државата.
Во огласот се наведува дека Република Србија продава 100 отсто удел во сопствеништво во „Танјуг“ и оти, според извештај на овластен проценител, проценетата вредност на капиталот е 760.936 евра.
Право на учество имаат домашни и странски физички и правни лица кои може да се пријават најдоцна до 30 јули. Отворањето на понудите ќе биде на 3 август. Останатите 37 медиуми дадени за продажба во Србија се претежно помали радиостаници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
