Македонската ракометна селекција попладнево во СЦ „Борис Трајковски“ против Чешка го игра решавачкиот натпревар за пласман на Европското првенство во Полска. По петте одиграни натпревари и двете селекции имаат по 5 бодови и во директен дуел ќе решаваат за второто место во групата.
Последен проблем за селекторот Ивица Обрван е повредата на мускулот на Филип Миркуловски заработен на тренингот во петокот, а дополнително беше повикан Горан Кузманоски.
– Миркуловски за оваа репрезентација по Кире Лазаров е еден од најважните играчи. Сепак, ова е важен натпревар и мора да се победи за да продолжи континуитетот на настапи на големи настани. Ќе играме без „првата бековска линија“. Чешка е квалитетен состав, иако и тие имаат повредени играчи и ќе играат без Филип Јиха. Во нашите отсуства тие гледаат своја шанса и од тие причини не смееме да дозволиме кикс, изјави Филип Лазаров.
Натпреварот Македонија – Чешка почнува во 17:45 часот, а на вториот дуел од нашата група вчера Франција ја победи Швајцарија со 31:23 и со максимални 12 бода го освои првото место во групата.
Победникот од дуелот во Скопје ќе го освои второто место, додека нерешен резултат до 27:27 и одговара на Македонија, а доколку биде со повеќе голови (на пр. 28:28 и повеќе) ќе биде во корист на Чешк
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
