Почнува второто издание на „Паратисима Скопје“

Во Младинскиот културен центар (МКЦ) вечер ќе биде отворено второто издание на интернационалниот саем на современа уметност „Паратисима Скопје“. Ќе се претстават преку сто автори од локалната и интернационалната уметничка сцена, вклучувајќи ги и Јужна Кореа, Америка, Иран, Италија, Грција, Црна Гора, Србија, Русија, Австрија, Норвешка, Данска.

На отворањето, покрај главната изложба, ќе бидат изведени три авторски перформанси и два концерта меѓу кој е и настапот на еден од основачите на „The Bad Seeds“ на култниот Ник Кејв.

За време на викендот „Паратисима Скопје“ ќе биде отворена за јавноста од 10 до 22 часот и ќе понуди богата програма која покрај изложбениот дел вклучува и концерти, работилници, перформанси, видео проекции, поетски читања и бројни други мултимедијални содржини. Влезот е бесплатен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.