Македонија е лидер во Европа според бројот на новосоздадени работни места од страна на странските инвеститори во 2014 година, објави порталот „Економски.мк“.
Според извештајот на реномираниот Ernst & Young за European FDI Attractiveness survey, Македонија лани имала за 223% повеќе новоотворнеи работни места од страна на странските инвеститори споредено со 2013 година.
Следна на табелата е Словачка која има двојно помал раст од Македонија, 128%. Србија лани имала пад од 58% во бројот на ново создадени работни места.
Според овој извештај, во 2013 во земјава имало 1.156 новоотворени работни места од страна на странски инвеститори. Бројката во 2014 изнесувала 5.020, што ја прави Македонија магнет по привлекувањето странски инвеститори кои отвораат нови работни места.
2014 година – одлична за инвестициите во Европа
Според овој извештај, 2014 година била рекордна по странските инвестиции воопшто во Европа. Тоа значи дека Македонија е земја која најдобро ги искористила можностите за да профитира од странските инвеститори.
Ернст енд Јанг анализирале 43 држави во Европа. Бројот на проекти во нив е зголемен за 10% или отворени се 4.341 нови проекти кои помогнаа да бидат отворени 185.583 нови работни места или близу 20.000 повеќе од 2013 година.
Земјите во регионот учат од Македонија
Според политиките за привлекување странски инвестиции, земјава стана пример во регионот. Другите земји прават обиди за копирање на овие политики. Тоа неодамна го призна и српскиот премиер Алексаднар Вучиќ кој изјави дека неговата Влада ќе учи од македонската.
„Го почитуваме тоа што се работи во Македонија на економски план и привлекувањето странски инвестиции, особено економските чекори што ги презема македонската влада, кои претставуваат пример за нас и учиме од нив. Се надевам дека некогаш и Македонија ќе учи нешто од Србија“, изјави Вучиќ неодамна.
Трендот на раст на новосоздадените работни места од страна на странските компании ќе продолжи и годинава. Засега извесно е деканајмалку шест нови компании ќе почнат со работа во наредените месеци, а уште десеттина инвеститори градат нови објкети во зоните низ земјава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
