Договорот од Минск за надминување на конфликтот во источна Украина нема алтернатива, изјави шефот на австриската дипломатија Себастијан Курц по средбата со неговиот украински колега Павло Климкин.
– Приоритети во овој момент треба да бидат повлекувањето на тешкото оружје, воспоставување на трајно примирје и реформа на Уставот (на Украина), порача Курц.
Како што соопшти австриското Министерство за надворешни работи, Курц на синоќешната средба со Климкин ветил поддршка од Виена за Киев и најавил дека Авструја ќе одвои дополнителни еден милион евра за помош на украинските граѓани.
Курц нагласил и дека Австрија е подготвени да го зголеми бројот на своите членови во Набљудувачката мисија на ОБСЕ во Украина од сегашните 17 на 30 лица.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
