За време на работната посета на Кралството Данска, министерот Никола Поповски во Копенхаген имаше средба со својот дански колега, министерот за надворешни работи Мартин Лидегард, како и со министерот за трговија и развојна соработка Могенс Јенсен.
-Република Македонија, рече тој, особено ја цени поддршката од Кралството Данска за што поскоро отпочнување на пристапните преговори меѓу Република Македонија и Европската Унија. За време на Данско претседавање со ЕУ се отворени и потоа затворени преговорите за последното големо проширување.
-Данска ја подржува Македонија на два начина – преку Копенхашките критериуми и преку глас во Советот на ЕУ за фер проширување. Како земја која била дел од првото проширување чувствува должност да не подржува на тој пат. Денес предизвикот е двоен, прво, од политички опортунизам дома; второ, од уцена надвор за идентитетско право. За двата предизвици ни треба одговорен однос и јасна акција надвор, од пријателите на европската идеја за обединување околу вредности. Данска е сигурно во таа група која може да помогне, подвлече министерот Попоски.
Данските соговорници ја повторија поддршката на процесот на проширување на Европската Унија, како и за данското расположение Република Македонија што поскоро да ја види како рамноправна членка на НАТО алијансата.
Во рамките на посетата, министерот Попоски го потпиша Договорот за поттикнување и заштита на инвестициите со данскиот министер за трговија и развојна соработка Јенсен. Во таа пригода двајцата министри истакнаа дека со договорот се создаваат поволни услови за продлабочување на соработката во економската сфера и особено за зголемување на обемот на данските инвестиции во Република Македонија.
За време на престојот во Копенхаген, министерот Попоски оствари средба и со претставници на Данско-македонската бизнис мрежа во врска со иницијативата за формирање Македонски бизнис – културен центар во Копенхаген.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
