Украдена копија од првото издание на „Сто години самотија“ од Маркез

Полицијата во Колумбија почна истрага поради кражба на копија на првото издание од ремек-делото на Габриел Гарсија Маркез, „Сто години самотија“…

Обвинителството оцени дека овој грабеж е сериозен напад врз културното наследство на Колумбија истакнувајќи дека одговорните за нападот ќе се соочаат со казна од шест до 20 години затвор. И лицата кои ќе ја купат оваа копија, исто така, ќе се соочат со затворска казна.

Вредната книга исчезна од Саемот на книги во Богота, кој оваа година е посветен на колумбискиот нобеловец.

Првото издание вклучува осум илјади примероци кои се печатени во 1967 гоидна во Аргентина од издавачката куќа „Судамерикана“, а потпишана копија, како што е украдената во Богота, на интернет може да достигне цена и до 23.000 долари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.