Македонскиот претставник на завршниот турнир во Лигата на шампионите во ракомет во женска конкуренција, ЖРК Вардар, последните тренинзи пред настапот в сабота против Будуќност во рамките од полуфиналето ги одбработува под полна пареа и со нови топки кои специјално се изработени и дизајнирани за завршниот турнир.
Ракометарките имаат време да ги навикнат топките кои од производителот „Адидас“, покрај основните бела и сина боја, добија и портокалови и жолти пламени јазици и, секако, логото на Ф4 турнирот.
„Црвено-црните“ ќе тренираат во Скопје до четврток кога патуваат за Будимпешта, а таму ќе одработат уште два тренинга пред натпреварот кој се игра в сабота, со почеток од 16.45 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
