Првиот човек на ФИФА, Сеп Блатер, и натаму ја ужива поддршката на црниот континент.
Претседателот на африканската фудбалска конфедерација (ЦАФ), Иса Хајат, изјави дека целиот африкански континент ќе ја поддржи кандидатурата на првиот човек на ФИФА, Сеп Блатер, за уште еден мандат на изборот за претседател на Светската фудбалска федерација.
– Сите 54 земји-членки ќе гласаат за Сеп Блатер – изјави Хајат на конгресот во Каиро на кој присуствуваше и Блатер.
Африканските земји традиционално го поддржуваат Швајцарецот и редовно гласаат за него.
Изборот за претседател на ФИФА ќе се одржи на 29 мај во Цирих. Покрај Блатер, кандидати се и јорданскиот принц Али бин ел Хусеин, Португалецот Луис Фиго и претседателот на холандскиот фудбалски сојуз, Мајкл ван Праг.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
