Управата за хидрометеоролошки работи информира дека утринава во 8 часот е измерен речиси еден метар снег во Маврово, каде што снежната покривка изутринава изнесувала 91 сантиметар во Маврово.
Триесет и осум сантиметри се измерени во Пожаране, 15 во Крушево, а 9, односно 8 во Дебар и во Тетово.
Денес ќе има повремени врнежи од дожд, во повисоките места од дожд и снег, на планините од снег.
Во моментов на Маврово вее многу слаб снег како и на Попова Шапка.
Врнежите ќе бидат со послаб интензитет. Ќе дува умерен до засилен северозападен ветер. Поради заладувањето од север, во вечерните часови врнежите од дожд ќе преминат во снег и на пониските места во западните и во северните делови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
