ЖРК Вардар со едната нога е во полуфиналето од Лигата на шампионите односно фајнл-фор турнирот во Будимпешта и оваа година откако во првиот натпревар на домашен терен во СЦ „Јане Сандански“ беше подобар противник од актуелниот европски шампион Ѓер со 24-18.
Одлична игра во финишот од сезоната прикажуваат избраничките на Индира Кастратовиќ и се чини по не толку сјајната сезона формата беше темпирана за завршницата.
Комплетниот состав покажа карактер каков и што се очекуваше. Предводени од одличната на голот капитенката Ина Суслина која успеа да фати дури 14 топки и нејзината замена Амандин Лејно која успеа да фати три пенали од истотолку удари.
Одбраната фунцкионираше беспрекорно. Да се дозволи на еден европски шампион да даде само 18 гола, тоа значи дека комплетно е прочитан противникот. Во нападот на моменти брзоплето но со многу разноликост со успешни контранапади, фантастичната игра беше крунисана со големи шест голови разлка.
Сепак треба да се има превид дека реваншот е за седум дена во Ѓер и на тој терен тешко победувале многу екипи.
Мора да се има предвид, концетрација и голема борбеност од самиот почеток. Ова е само едно полувреме како што нагласи и Индира Кастратовиќ.
Најефикасна во составот на вардарки беше Јованка Радичевиќ со седум гола, Андреа Пенезиќ постигна пет гола, а Андреа Лекиќ четири.
Кај гостинската екипа се истакна русинката Ана Сен со пет голови.
Публиката беше фантастична како никогаш досега го исполни Јане Сандански скоро до последното место и им даде голема подршка на црвно-црните.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
