Лубиц е богато семејство, чијшто дом во Монтабаур вреди половина милион евра. Неговиот татко е успешен бизнисмен, а неговата мајка е професорка по клавир. Родителите на копилотот Андреас Лубиц, кој е осомничен дека намерно ја предизвикал смртта на 150 лица, дознале за неговата улога во несреќата кратко пред истражните органи да ја објават информацијата пред целиот свет.
Според изјавите на сведоците, веста ги шокирала.
Кога истражителите ги довеле на местото на несреќата, ги одвоиле од другите роднини на настраданите и ги предале на полицијата на испрашување. Истражителите засега веруваат дека трагичната несреќа ја предизвикал Лубиц, кој го искористил моментот кога капетанот излегол од пилотската кабина за да оди во тоалет, се заклучил во кокпитот и потоа го насочил авионот во сигурна смрт за него и патниците.
На страшните снимки од црната кутија може да се слушне капетанот како удира по вратата на пилотската кабина и го моли Лубиц да го пушти внатре. Лубиц, од другата страна на вратата, молчел цело време додека авионот се спуштал.
Според истите снимки, може да се заклучи дека патниците не биле свесни за опасноста во која се наоѓаат, сè до последниот момент на летот, кога можеле да се слушнат вресоци.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
