На 12. март (четврток) со почеток во 20 часот, Кафе МКЦ, ќе се одржи промоцијата на книгата раскази „Северно од сонцето“ од Бранислав Ѓорѓевски, издание на „Академски печат“.
Книгата е збирка од 23 раскази поделени во три циклуси.
Во првиот циклус насловен „Антиљубовни приказни“ се опишува постојаната потрага по љубовта во сите нејзини форми. Циклусот „Заминувања“ е своевиден современ бележник на македонската младина, бележник кој не само што ги опишува причините и мотивите за миграција, туку ги опишува и приказните на оние кои решиле да живеат далеку од дома.
Последниот циклус насловен како „Животот и нешто помеѓу“, се осврнува на комплексноста на живеењето во локални, македонски рамки, но и недостигот на храброст нешто да се промени.
Книгата ќе ја претстави актерката Емилија Мицевска, извадоци ќе чита актерката Тина Трпкоска, музичка подлога, бендот „Стаклер“.
Бранислав Ѓорѓевски е роден 1986 година во Скопје, дипломира на Правниот факултет во Скопје, студии по новинарство. „Северно од сонцето“ е негово второ книжевно дело. Ја има објавено и збирката раскази „Сите тие краеви“ во 2012, издание на „Антолог“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
