Времето утре во Македонија ќе биде променливо облачно со сончеви периоди. Во крајните западни делови и на планините се уште ќе има услови за провејување на слаб снег, а веќе во попладневните часови ќе има намалување на облачноста. Ќе дува умерен повремено засилен северен ветер, кој повеќе ќе биде изразен долж Повардарието и во источните делови.
Утринската температура ќе се движи од -11 до -3 Целзиусови степени, а дневната од -2 до 6 степени.
Во Скопје претпладне ќе преовладува сончево време со мала до умерена локална облачност која во попладневните часови ќе се намалува и ќе донесе претежно ведро време. Ќе дува умерен повремено засилен ветер од северен правец.
Утринската температура ќе се спушти до -5 Целзиусови степени, а дневната ќе се искачи до 4 степени.
Во наредните денови следува период на стабилно и суво време. До четврток утринските температури на повеќето места ќе бидат пониски од -5 Целзиусови степени, а потоа ќе бидат во постепен пораст.
За викендот се очекува потопло време.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
