Превентивните мерки што треба да ги преземе ЈП „Македонија пат“ на критичните патни правци со цел да се овозможи безбеден и непречен сообраќај на возилата беа во фокусот на денешниот состонок на Координативното тело во Министерството за транспорт и врски по најавите од УХМР дека в недела попладне и в понеделник во земјава ќе има нов снежен бран.
На состанокот беше решено преку ЗЕЛС да се повикаат сите градоначалници директно да се вклучат во расчистување на сите патни правци за кои тие се надлежни и доколку имааат потреба да се обратат до надлежните институции за помош.
Од Кризниот штаб апелираат до сите граѓани и институции редовно да ја следат временската прогноза и да се придржуваат кон препораките што ги даваат надлежните институции.
Според прогнозите на УХМР, в недела попладне и в понеделник низ цела Македонија ќе има нови снежни врнежи, но нема да бидат со интензитет како претходните.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
