Сообраќајот на сите државни патишта во Македонија се одвива отежнато, во зимски услови и со големи остатоци од снег по коловозите, информира Автомотосојузот на Македонија (АМСМ).Скопскиот аеродром „Александар Велики“, според веб страницата на концесионерот ТАВ Македонија, функционира нормално и се преземаат сите активности за безбедно слетување и полетување.
Според АМСМ, поради големи остатоци од снег на коловозот, во прекин за тешки товарни возила е сообраќајот на патниот правец Кичево-Охрид преку планинскиот премин Пресека. За патничките возила постепено се пробива патот и моментно се одвива наизменично по една коловозна лента. АМСМ информира дека се очекува во наредните неколку часови да дојде до негово комплетно оспособување.
Сообраќајот на патниот правец Скопје-Велес се одвива забавено во колона. Долга колона и отежнато и забавено движење има и на патот Велес-Катланово.
На патнитe правци Тетово – Попова Шапка, Маврово – Дебар – Струга, Струга – граничен премин Ќафасан, Крива Паланка – граничен премин Деве баир, на планинските премини Стража, Буково и Ѓавато поради големи остатоци од снег има забрани за движење на тешки товарни возила. Забрани за тешки товарни возила има и на регионалните патни правци Тетово-Брвеница-Чегране-
АМСМ препорачува исклучително внимателно возење, прилагодена брзина на движење на отежнатите услови за сообраќај и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
