Новата стихозбирка на современиот македонски поет и литературен критичар, Раде Силјан носи наслов “Отворена книга”, а ја објави “Матица македонска” од Скопје. Книгата е составена од единаесет подолги песни, поделени во три циклуси, кои градат една неразделна тематска целина.
За најновото дело на Силјан, академик Матеја Матевски пишува дека тоа е „оптимистички и утописки повик на поет, со оглед на реалноста на белата чума што не опфаќа. Оваа молитва претставува ода на животот. Тоа е возвишен солилоквиум, едно хумано чувство што предупредува за загрозите што ги носи човекот во себе… Во сето тоа впечатливо е присутна поетичката доследност, плавното структуирно пеење и прочистениот негов јазички исказ со сиот вокабулар од пробрани зборови, сјајни и изцирни како шурка од поточе тукушто одделено од изворот. Тоа е чистота што обзема, доживеан и умеан подбир на слики, од првите акорди до финалето на таа ведра и убава мелодија.“
Раде Силја е автор на петнаесет поетски книги и повеќе критичко-есеистички дела посветени на македонската книжевност. Негови деласе преведени на англиски, руски, турски, италијански, полски, романски, унгарски, украински, српски, бугарски, грчки, и латински јазик. Добитник е на национални и меѓународни награди, како и на наградата „11 Октомври“ за животно дело.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
