По триумфот во Фленсбург, најдобриот стрелец на Барселона и оваа сезона во Лигата на шампионите, Кирил Лазаров, говореше на актуелни теми за официјалниот веб-сајт на Лигата на шампионите.
Се наврати на „кошмарот“ во полуфиналето минатата сезона и реваншот кој стигна пет месеци подоцна.Зборуваше за оваа сезона во ЛШ, за Барселона, за АСОПБАЛ лигата…
Како капитен на Македонија, Кирил Лазаров се осврна и на репрезентацијата и на амбициите на Светското првенство во Катар во јануари 2015 година.
– Искрено нашите амбиции во Катар се високи. Имаме многу искусни ракометари и откако имавме одредени проблеми во Данска, мислам дека дојде време да покажеме на што сѐ сме подготвени во Доха. Наша цел е да бидеме подобри од Светското првенство во 2013 и Европското првенство во 2014 година. Оптимисти сме и покрај тешката група и очекувам многу наши навивачи да пристигнат во Катар и покрај дистанцата. Тоа ќе нѐ направи посилни. Сакаме да одиме чекор по чекор и невозможно е да го предвидиме финалниот резултат. Сакаме да го искористиме овој мундијал да го оствариме нашиот голем сон и да се пласираме на Олимписките игри во Рио де Жанеиро. Со генерации сон на нашите навивачи е олимпијадата и првиот голем чекор е добар резултат во Катар за место во квалификациите за големиот настан – заклучи Лазаров, кој потенцираше дека Македонија е тим, а тој е дел од тимот, одговарајќи на прашањето дали самиот ја креира играта.
Целото интервју можете да го прочитате на следниов ЛИНК.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
