Кире Лазаров „парла“ француски како да е роден парижанец (видео)

Кире Лазаров, капитенот на македонската машка ракометна репрезентација игра во голема форма и во втората своја сезона во Нант. Скоро на секој натпревар максимално ја користи минутажата и со голови и асистенции ги носи победите на својата екипа.
Вчера на француската телевизија на чист француски јазик, Лазаров ги објасни своите чувства во втората година во францускиот шампионат.
– Кога дојдов тука, не зборував француски. Јазикот е многу важен, да зборуваш со соиграчите, да го разбереш тренерот. Оваа година се чувствувам одлично, многу добра екипа сме, 18 ракометари и верувам во екипата и во големи работи сезонава – заврши Лазаров.

Водителите на „Bein sport“ беа одушевени што му се заблагодарија на нашиот Кире на македонски јазик.
Богатата спортска интернационална кариера Лазаров ја почна во Хрватска, а потоа се редеа Унгарија, Шпанија и сега Франција. Секаде каде што живеел Лазаров успевал да го научи јазикот, па така, освен англиски, Лазаров убаво и течно говори хрватски, унгарски, шпански и сега француски. Погледнете го видеото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.